PINK FLOYD VEISLA FRAMUNDAN

Þó að hljómsveitir hætti, séu óvirkar eða meðlimir jafnvel látnir þá er oft nóg af forvitnilegu efni að koma út löngu síðar. Pink Floyd veisla er framundan, en út er að koma 40 ára afmælisútgáfa af fyrstu plötu þeirra " The Piper At The Gates Of Dawn" þann 3. september n.k. Hún kemur út í 2ja og 3ja diska útgáfu. Fyrsti diskurinn er mono útgáfan, annar diskurinn er stereo útgáfan og á þriðja disknum eru sjaldgæfar útgáfur.

CD 1 - ORIGINAL MONO MIX
Astronomy Domine / Lucifer Sam / Matilda Mother / Flaming / Pow R. Toc. H / Take Up Thy Stethoscope And Walk / Interstellar Overdrive / The Gnome / Chapter 24 / The Scarecrow / Bike

CD 2 - STEREO MIX
Astronomy Domine / Lucifer Sam / Matilda Mother / Flaming / Pow R. Toc. H / Take Up Thy Stethoscope And Walk / Interstellar Overdrive / The Gnome / Chapter 24 / The Scarecrow / Bike

CD 3 - BONUS DISC - takmarkaða 3ja diska útgáfan                                                             Arnold Layne (Mono smáskífa) / Candy And A Currant Bun (Mono Bakhlið) / See Emily Play (Mono smáskífa) / Apples And Oranges (Mono smáskífa) / Paintbox (Mono Bakhlið) / Interstellar Overdrive (taka 2) (útgáfa af franskri 4ra laga plötu) / Apples And Oranges (áður óútgefin stereo útgáfa) / Matilda Mother (áður óútgefin útgáfa) / Interstellar Overdrive (taka 6 - áður óútgefið)

3ja diska útgáfan verður í bókarformi með 12 síðna bækling auk bæklings með teikningum og öðru úr gamalli dagbók Syd Barrets.  

David Gilmour er síðan að gefa út tvöfaldan DVD disk, "Remember That Night" 17. september. Efnið var tekið upp á hljómleikum í Royal Albert Hall í maí 2006. Á fyrri disknum öll On An Island platan tekin auk klassískra Pink Floyd laga með hjálp David Bowie, Robert Wyatt, Crosby & Nash, Phil Manzanera og Guy Pratt (bassaleikara Pink Floyd eftir að Roger Waters hætti) á seinni disknum eru síðan upptökur frá Abbey Road stúdíóinu og Mermaid Theatre auk kafla sem er kallaðir Behind the Scenes on Tour, Making of the Album, Playing in California auk tveggja kynningarvideoa.

Þess má líka geta að Gilmour gaf út lagið Arnold Layne á smáskífu um síðustu áramót og er kannski ennþá fáanleg er þar söng David Bowie lagið meðal annars.

Roger Waters laumaði líka einu lagi á kvikmyndaplötu um daginn. Lagið heitir "Hello I Love You" og er frumsamið en ekki gamla góða Doors lagið (sem var nú reyndar sjálft vægast sagt stolið Kinks lag!). Lagið kom út á 12" vinyl en ekki cd singúl, en er fáanleg í gömlu góðu digital CD sándi á kvikmyndaplötunni sem heitir "Last Mimzy".

[e-mail]

Athugasemdir

[Ingi Björn Sigurðsson, 9.8.2007 kl. 21:07]

Það verður gaman að athuga með þessa útgáfu af meistarverkinu The Piper at the gates of dawn. Þar sem meistari Syd Barret fær að njóta sín. Plata sem allir tónlistaráhugamenn ættu að þekkja og meðal þess merkilegasta sem Pink Floyd sendi frá sér.

[Kristján Kristjánsson, 9.8.2007 kl. 23:39]

Allt mjög spennandi útgáfur. Náði í Arnold Layne smáskífuna og hún er fín. Einngi má geta að Roger Waters er með lag á tribute plötu til Ennio Morricone. Lagið heitir Lost Boys Calling.

[Halldór Ingi Andrésson, 10.8.2007 kl. 00:20]

Gaman að þú nefnir þetta lag kæri lærisveinn og fyrrum dyggi starfsmaður Plötubúðarinnar, en þetta lag var í kvikmynd sem heitir The Legend of 1900 (líka til á soundtracki) frá 1998 ef ég man rétt og hefur meira að segja verið sýnd í ísl sjónvarpi. Og rétt áður en kappinn heimsótti okkur kom út góð smáskífa með lögunum Leaving Beirut og To Kill A Child (2004) sem voru hápunktar tónleikana í Egilshöllinni fyrir mig.

Halldór [e-mail]

[Halldór Ingi Andrésson, 10.8.2007 kl. 00:33]

Sæll Ingi Björn,

Gaman að sjá þitt komment, ég var 13 ára þegar Piper kom út og fannst hún bara svona la la - dálítið barnaleg, einföld og poppuð. Ég varð fyrst alvöru hrifin af Floyd þegar More kom út og ég sá myndina í Gamla bíó. Atom Heart Mother hins vegar gerði mig að alvöru aðdáenda. En Piper og Saucerful nutu sín ekki fyrr en ég var búinn að heyra Ummagumma og sólóplöturnar hans Syd. Piper hefur óumdeilt staðist tímans tönn eins og Saucerful Of Secrets og ég hlakka mikið til að eiga kvöldstund í næði að hlusta á frumraunina í bættum gæðum og og nýjum búningi.

kk

Halldór [e-mail]