Nýr plötulisti

Hæ hér er nýr listi

Skrár tengdar þessari bloggfærslu:

• Pöntunarlist 43 2007

Er þetta það sem koma skal?

Er þetta það sem koma skal? Ef svo er þá er ég glaður að ég á allt sem Harrison hefur sent frá sér bæði á vinyl og CD. Hafið þið prófað að spila alvöru CD og og síðan CDR af plötunni / nú eða verra, fengið af netinu og borið saman gæðin t.d. í venjulegum bílagræjum? Ef þið heyrið ekki muninn þá .....  gefst ég upp! 

Hægt að nálgast sólóplötur George Harrisons á netinu

Hvar kaupir fólk plötur í dag?

Eru kannski allir hættir að kaupa útlenskar plötur? Safnar enginn plötum lengur?

Ég hef ekki keypt plötur í íslenskum búðum síðan Þórhallur og allir hinir hættu í Skífunni þegar þeim var sagt upp og boðin lægri laun. Í staðinn komu glansfínar unglingstelpur sem þú gast bókstaflega horft í gegnum og vissu bókstaflega ekkert. Það hefur kannski breytst en ég á þóbægt með að trúa því.  Það geta örugglega margir sagt kyndugar sögur af tilsvörum starfsmanna. Síðast þegar ég leit inn í Skífuna í Kringlunni (til að ná í hljómleikamiða) gat ég ekki betur séð en DVD myndir dekkuðu um 75% prósent búðarinnar.

Og ekki eru meira en 100 titlar til á öðrum plötuútsölustöðum. Kannski í 12 tónum, en þangað held ég að ég eigi lítið erindi með minn tónlistarsmekk.

Kannski kaupið þið frá Amazon UK eða USA? Ekki skrítið, mjög gott almennt úrval og oft betra en að fara inn í HMV eða Virgin í London, en samt gæti það aldrei bjargað mér og mínum áhuga, ég vil eiga allt með vissum listamönnum, fyrstadagsútgáfur, stundum vinyl, endurútgáfur, smáskífur og fleira.

Þess vegna hef ég haldið áfram að panta frá mínum gömlu góðu birgjum, þeir eru kannski ekki alltaf ódýrastir en þeir eru drjúgir að sinna mér og oftast ódýrari en Amazon þegar allt er greitt.

Ég hef leyft nokkrum gömlum viðskiptavinum að vera með mér í þessu og panta í gegnum mig.

Ef fleiri hafa áhuga þá getið þið sent mér línu [e-mail]

En endilega, mig langar að vita hvar þið kaupið plötur ef þið kaupið ennþá plötur (CD/ LP / ect)

kær kveðja Halldór Ingi

 

Skrár tengdar þessari bloggfærslu:

• Pöntunarlisti 9 2007